وجه د. محمد فهيم – مستشار وزير الزراعة واستصلاح الأراضي – حزمة توصيات ونصائح هامة لمزارعي محصول البطاطس النيلي، في ضوء انكسار درجات الحرارة ووصولها ليلا لأقل من 18 درجة.
وأوضح “فهيم” أن هذه الأجواء هي فرصة جيدة للتحجيم الطبيعي لـ محصول البطاطس لافتا إلى أن معظم زراعات البطاطس للعروة النيلية او الشتوية المبكرة (فى المنيا ونكلة وبعض مناطق المنصورة وغيرها ) تعدت عمر 45 – 55 يوم … وان كانت بعض الزراعات نيلية متأخرة والتي تعدى عمرها من 30 – 45 يوم.
وأشار مستشار وزير الزراعة إلى أن الأصناف المنزرعة في معظمها هي أصناف مبكرة او متوسطة التأخير مثل بيرن – ميترو – ليدي بالفور – كارا وبلليني وليدي روزيتا وبنوميره واريزونا …الخ.
ونوه “فهيم” إلى أن زراعات البطاطس لا تعاني حاليا من أي إصابات حشرية أو مرضية إلا بعض الحقول القليلة والمتناثرة بها بعض الإصابات بدودة ورق القطن.
تقرأ في هذا الموضوع
ملحوظة هامة لـ مزراعي البطاطس
وأوضح “فهيم” أنه نظراً للاجواء الحارة التى سادت اثناء موسم النمو للبطاطس في سبتمبر وأكتوبر اللى فاتوا، حدث استنزاف وضغط كبير على النمو وتأثر وتراجع كتير … وبعد انكسار الحرارة وسيادة جو معتدل إلى بارد (ليلاً) بدأ الزرع فى اعطاء نمو خضري غزير (جداً) لدرجة ان النمو اللى حصل فى الاسبوعين اللى فاتو بس بكل النمو خلال الموسم كله، وهذا معناه أن العمر الحقيقي للزرع ناقص من 20 -25 يوم ولا يحسب من الزراعة، مشيرا إلى البطاطس الأن تعطي جهد غير طبيعي للنمو الخضري رغم أن العمر ده بتاع الصب والتحجيم … وعشان البطاطس تعطي محصول (ذو شأن ) لازم نصبر عليها الموسم ده وبلاش استعجال التقليع … بلاش استعجال التقليع .
وتابع : ” عشان كمان البطاطس لا تعطي كامل محصولها الا فى الشهر الاخير من عمرها (الحقيقي) …. وفى ظل ان السوق هيكون ماسك نفسه وحتى نص ديسمبر التاني .. فبكررر تاني … بلاش الاستعجال فى التقليع ” .
حزمة توصيات هامة لـ البطاطس النيلي
وهنا فيه شوية توصيات هامة خاصة بادارة ما تبقي من موسم الانتاج (للعروة النيلية) سواء فى المنيا او الطويلة وبلقاس وطلخا او منوف او كفر الدوار… وغيرها :
1 – إضافة من 10 -12 كيلو بوتاسيوم (0 . 0 . 50) حقناً مع مياه الري وخلال الريات المتبقية من الموسم.
2 – إضافة من 3- 4 لتر حامض فسفوريك (80-85%) حقناً مع مياه الري مع عدم خلطه مع البونتاسيوم ويكرر لمدة ريتين متتاليتين ويساعد جداً فى دعم الدرنات فى عمليات التحجيم.
3- الابتعاد عن إضافة أى مصدر للآزوت فى كل المركبات اللى هنضيفها خلال هذه الفترة لأن معظم الزراعات المبكرة فى مرحلة “هياج” للعرش واحنا عاوزين الزرع يتجه “بقوه” ناحية الصب والتحجيم والترصين.
توصيات للزراعات المتأخرة من البطاطس النيلي
للزراعات المتأخرة واللى بتعانى من نمو مش قوى يتم إجراء التالي:
وبعدها يتم رش ورقي :
1- يتم رش طحالب بمعدل 450جم + احماض أمينية بمعدل 600 / فدان .
2- الري بلاش 4 – 5 فتحات مرة واحدة دي .. ارجوكم الحذر من زيادة مياه الري خلال هذه الفترة (كمان ان العرش مالى بطاني الخطوط وبيعيق المياه فبتكتر حول النباتات) … الحل ان يكون الري على الحامي وب 2 او 3 فتحات (حواويل) بالكتير.
اقرأ أيضا
