شواطئ مطروح متعددة وجميلة .. وكتير من الناس بتفكر تروح تقضي كام يوم هناك عشان تطلع من الهموم وترجع تعرف تفكر وتعيش حياتها بشكل عادي .. عشان كده جمعنا هنا للناس اللي بتفكر تسافر تصيف قائمة بأهم شواطئ مرسى مطروح .
شواطئ مرسى مطروح .. دول أهمهم
1 – شاطئ الهنا “مبارك سابقا”و الشاطئ ده يعتبر اقرب شاطئ لمنطقه شارع اسكندريه و زاهر جلال و مناسب جدا للاطفال لان الموج بتاعه هادي و المايه صافيه ونضيفه جدا و ده طبعا غير رملته الناعمه و يعتبر من افضل الشواطئ بالنسبه لمصييفين كتير.
2 – شاطئ العوام أحد شواطئ مرسى مطروح ده بقى الشاطئ اللى قصاد مسجد العوام على طول يعنى فى وسط البلد و المايه بتاعته جميله جدا و مناسب للاطفال و للكبار
3- شاطئ الليدو & البوسيتو طبعا مفيش حد زار مطروح و ميعرفش منطقه الليدو و البوسيت و الشاطئ بتاعهم حلو جدا و مايته جميله ده غير اللسان اللى بينهم و اللى تقدروا تتمشوا على فالغروب بجد المنظر بيكون ممتع جدا
4 – شاطئ روميلو ده بقى البحر بتاعه هادى جداا ومفيهوش اى موج خالص ، يعنى لو معاكى اطفال هتبقى مطمنه عليهم جدا ، و اوعوا تنسوا تزوروا المكان ده بليل هتلاقوا مكان خاص لركوب العجل و كافيهات و قاعدات بدويه تجنن بجد
5 – شاطئ الفيروز & باب البحر و يعتبروا قريبين جدا من منطقه روميل و نفس نظام المايه بتاعته و يعتبروا بحيره و بردو المكان هناك أمن جدااا على الاطفال ومن مميزات الشاطئ ده طبعا برج غنيوه وكافيتريا الكرم وطبعا والبرجولات بتاعته اللي فيها خصوصيه والقعده فيها مالهاش حل و دول بقى الشواطئ البعيده عن البلد شويه لكن مينفعش ابدااا تييجى مطروح و متزورهومش ولو مش معاك عربيه تقدر تركب ليهم مواصلات من ميدان الجلاء قصاد المحكمه القديمه و اسعارها مناسبه جدا
6 – شاطئ كليوبتر وده بينه وبين شارع اسكندريه حوالى 12 كيلو و فيه حمام كليوباترا الشهيرو الشاطئ هناك مقسوم لجزئينشاطئ عام وده المايه بتاعته هادى جدا و تقدر تنزل اولادك وانت مطمن عليهمشاطئ مفتوح و ده غير صالح ابدا للاطفال و النزول فيه بيكون صعبة جدا بس المناظر هناك حلوة اوى ده غير أنه مناسب للصيد
7 – شاطئ الغرام “شاطئ ليلى مراد” و ده بقى من الشواطئ الحلوة اوى اللى ناس كتير بتحبها جدا و هناك هتلاقي صخره ليلى مراد لكن حاليا بقت ف وسط البحر بسبب عوامل الزحف ، و الرمله بتاعته ناعمه جدا و ده بينه وبين شارع اسكندريه حوالى 15 كيلو تقريبا وده تاني شاطئ مفضل عندي بعد الأبيض
8 – شواطئ الأبيض و دول بقى حوالى7 شواطئ
9- شاطئ ام الرخم و ده مايته صافيه جدا و جميله و موقعه عرب مطروح .
10- شاطئ عجيبه.. أحد أهم شواطئ مرسى مطروح
اقرأ أيضا
أماكن بيع أي حاجة ممكن تحتاجها في القاهرة
رأس الحكمة .. أبرز 15 معلومة عن صفقة العام العقارية
شاهد
الأكوابونيك.. مدير المشروع بالزراعة يحذر من النصابين
