تذكرة الطيران ليها لغة ومصطلحات خاصة بيها لازم تفهمها وانت بتحجز التذكرة لأنك من غير ما تفهمها ممكن جدا تتعرض لمشاكل متكونش واخد بالك منها .. وفيه حاجات بسيطه لو مش واخد بالك منها في التذكرة ممكن جدا الطياره تفوتك وتخسر قيمة التذكرة ..
مصطلحات هامة لاز تعرفها في تذكرة الطيران
حاولت أجمع بعض المصطلحات اللي المفروض تعرف المقصود بيها ايه قبل ما تحجز تذكرة الطيران او بعد ما تنفذها .. يللا بينا
Reference ( PNR )
وده كود الحجز الخاص بيك أو المرجع اللي فيه بيانات التذكرة بتاعتك كلها وبتحتاجه لما تحب تعدل في بيانات التذكرة وبيتكون عادة من ست حروف وأرقام أو أكتر حسب شركة الطيران.
One way
وده معناه أن تذكرة الطيران ذهاب فقط أو عوده فقط وانك مش حاجز عوده
Round trip
يعني أن خط سير تذكرة الطيران ذهاب وعوده
Multi City او Multi Distination
وده معناه أن تذكرة الطيران متعددة الوجهات .. يعني بلد الذهاب مختلفه عن بلد المغادرة أو أن التذكره فيها اكتر من خط سير واكتر من رحلة
Refund
وده بيشير للمبلغ اللي المفروض تسترجعه من قيمة التذكرة في حاله انك اضطريت تلغيها
Refundable
وانت بتحجز تذكرة الطيران خد بالك من الكلمة دي كويس .. ده معناه ان التذكره قابلة للإلغاء وممكن تسترد قيمتها او جزء من قيمتها لو لغيتها
Non / Refundable
وده معناه ان التذكرة ( غير قابلة للإلغاء ) وانك لو مستعملتش التذكرة مهما كانت الظروف فأنت كده خسرت قيمة التذكرة ومش هتقدر تسترد المبلغ من قيمتها
FLIXABLE
وده اختيار ممكن تختاره وانت بتحجز التذكره خاصه على طيران Low cost او الطيران الاقتصادي .. وده بيديك ميزة انك ممكن تعدل في تاريخ التذكره او خط سيرها أو تعدل في اسم المسافر .. وطبعا ده بيكون برسوم اضافيه .. بس بصراحه بيديك أمان في حاله انك مش متأكد اوي من تاريخ سفرك وانك ممكن تضطر تعدل في التذكرة في أي ظروف
Self Chek in
المصطلح ده هتلاقيه وانت بتحجز رحلة ترانزيت .. وخاصة لو هتسافر ترانزيت على اكتر من شركه طيران .. وده معناه انك لازم تستلم شنطك في مطار الوجهة الأولى وتعملها Chek in من جديد مع شركة الطيران الثانية في مطار الوصول الأول
Self Transfer
وده برضه هتلاقيه في الحجوزات الخاصة برحلات الترانزيت .. ومعناه ان المطار اللي هتوصل ليه في أول رحلة مختلف عن المطار اللي هتركب منه الرحله الثانيه .. وأنك المسؤول عن الانتقال من المطار الأول للمطار الثاني بمعرفتك وعلى مسؤوليتك
Void
ده مصطلح متعارف عليه بين موظفي حجز الطيران .. ومعناه اني حجزت تذكره ولغيتها في نفس اليوم . وعاده بيكون بدون غرامه
Terminal
ومقصود بيه صالة الوصول او صالة السفر .. معظم المطارات بيكون فيها اكتر م صالة سفر واكتر م صاله وصول .. عشان كده لااازم تاخد بالك انت مسافر او هتوصل من أي صاله في المطار .. لأنك لو مخدتش بالك ممكن جدا تروح صاله غلط وتفوتك الطياره
Class
ودي درجة الحجز بتاعتك اللي حجزت عليها .. وطبعا كراسي الطياره متقسمه لاكتر من class .. الاقتصادي Economy وكراسي الدرجة الاولى First class والبيزنس ودرجة رجال الأعمال .. وكل درجه مختلفه عن التانيه من حيث القيمه والخدمات
Status
والمقصود بيها حاله الحجز .. هل هو حجز مؤكد confirmed ولا حجز انتظار لسه مش مؤكد waiting
Fare basis
وهو اجمالي قيمه التذكره وهتلاقيه مكتوب في نهاية التذكرة وتقسم لاكتر من حاجه( اساسي سعر التذكرة Basic والضرائب Tax واي اضافات تانيه )
اقرأ أيضا
أماكن بيع أي حاجة ممكن تحتاجها في القاهرة
كريدي أجريكول يقدم حساب بنكي بعائد يومي يصل لـ 15 %
شاهد
الأكوابونيك.. مدير المشروع بالزراعة يحذر من النصابين
