اسهل طريقة لحفظ جدول الضرب للأطفال أمر تبحث عنه الكثير من الأمهات في ضوء محاولتهم مساعدة أطفالهم الذين يواجهون تحد كبير في حفظ أطفالهم للجدول.
ما هو جدول الضرب؟
مهم قبل ما تبدئي تحفظي طفلك جدول الضرب، تفهميه معناه وإيه فايدته لو حفظه؛ فممكن تفهميه بالراحة إن جدول الضرب أداة بسيطة بتساعدنا نعرف النتيجة لما نضرب عدد في عدد تاني؛ يعني مثلاً، لو عاوزين نعرف 3 × 4، دا معناه إننا بنجمع الرقم 3 مع نفسه 4 مرات؛ فبتكون النتيجة 12، وهكذا في أي مسألة.
دا غير إن جدول الضرب يساعدنا في حياتنا اليومية، سواء في المدرسة أو في البيت أو حتى في السوق، يعني مثلًا لو عندك 5 صناديق، وكل صندوق فيه 3 كرات، وعاوز تعرف الكمية الكلية للكرات، هتستخدم جدول الضرب.
ودا من خلال إنك تضرب عدد الصناديق (5) في عدد الكرات في كل صندوق (3)، وبالتالي هيكون عندك 15 كرة، ودا ممكن يتقاس على حاجات كتير ممكن تقابلك في حياتك، وهتحتاج تكون عارف النتيجة وبسرعة.
وقبل ما تعرفيه أسهل طريقة لحفظ جدول الضرب؛ اعرضي عليه الجداول في لوحة تعليمية أو في صورة وفهميه إن الجدول مليان أنماط وعلاقات، وبمجرد ما تتعلمه، هيتحسن فهمك للأرقام بشكل أكبر، وهيسهل عليك الحسابات في أي مسألة رياضية.
تقرأ في هذا الموضوع
أهمية حفظ جدول الضرب في الصغر
حفظ جدول الضرب مهم جدًا للطفل، لإنه بيساعد في: وضع أساس تعلم الرياضيات يعني لو الطفل حافظ جدول الضرب، هيكون أسهل عليه فهم العمليات الحسابية التانية زي: القسمة، والمعادلات، والتحليل. توفير الوقت أثناء الحل لما الطفل يحفظ جدول الضرب، مش هيحتاج يدور على النتيجة، لكن هيكون حافظها وهيقدر يحل أسرع.
الاستمتاع بمادة الرياضيات باستخدام أسهل طريقة لحفظ جدول الضرب للأطفال، هيبقى بيسهل عليه دروس كتير أثناء دراسته في المراحل المختلفة، وبالتالي بيكون حجر أساس مهم ليه ولحبه وتمتعه بالمادة؛ بدل ما يبقى متعقد منها. بناء ثقة الطفل بنفسه مادة الرياضيات من المواد اللي بيكبر أطفال كتير على فكرة كرهها، وصعوبتها، وإنها مادة بتبين ضعفهم في الدراسة وبتسببلهم إحراج.
وعشان كدا، الحفظ المبكر لجدول الضرب بيساعد في فهمها، وبيخليهم قادرين يحققوا نتائج جيدة، ويقدروا يحلوا المسائل بسرعة، دا هيديلهم دافع أكبر للمعرفة بشكل عام.
اسهل طريقة لحفظ جدول الضرب للأطفال
في بداية تعلم الطفل لجدول الضرب بتبدئي تحفظيه الجداول البسيطة الأول، وهي:
جدول الضرب 1
يعد جدول الضرب 1 من أبسط الجداول، هتفهمي الطفل إن أي رقم بيتضرب في 1 بيساوي نفس الرقم، لإن معناه قيمة الرقم مرة واحدة بس، واتأكدي من فهمه لدا بالتدريب على أكتر من مسألة.
جدول الضرب 2
أسهل طريقة لحفظ جدول الضرب 2 هي العد على الأصابع للتدريب المتكرر عليه لحد ما يثبت معاه، فبتبدئي تفهميه إن جدول الضرب 2 هو تكرار للرقم مرتين، يعني 6 = 2 × 3 يعني (2 +2 + 2)، ولو 12 = 2 × 6 فممكن يحط 6 في مخه ويجمع على أصابعه 6.
وفي طريقة إنه يضيف 2 على الرقم اللي قبله في الجدول، يعني 6 = 2 × 3، يزود 2 في 8 = 2 × 4، وهكذا.
جدول الضرب 3
ييشابه في طريقة حفظه لجدول الضرب 2، فممكن الطفل يحفظ البداية 9 = 3 × 3، وكل رقم زيادة يجمع 3، في بعض الأطفال ممكن تكون الطريقة دي أسهل طريقة لحفظ جدول الضرب 3 بالنسبالهم، وممكن تلغبط أطفال تانية.
دا غير إنه ممكن يقسم المسألة يعني 18 = 3 × 6 لـ (2 × 6) + 6 = 18. وفي طريقة ثالثة باستخدام الأصابع، بتعتمد على عدد العُقل في الإصبع الواحد وهي 3، فممكن يستخدم الطريقة دي لمعرفة ناتج الضرب، فمثلاً 3 × 3 هيمثلها بـ 3 أصابع وكل إصبع بيمثل رقم 3، ويبدأ يعد عُقل أصابعه وهتكون النتيجة 9. ولحل 5 × 3 هيطلع 5 أصابع ويبدأ يعد العُقل وهكذا.
جدول الضرب 4
ممكن يطبق نفس طريقة الأصابع لحل مسائل جدول 4، بإنه يزود عُقلة على كل إصبع، وبكدا الواحد هيمثل رقم 4، ويطلع عدد أصابع على حسب الرقم المضروب فيه، ويبدأ يعد عدد العُقل كلها، فمثلًا 16 = 4 × 4،هيطلع 4 أصابع ويبدأ العد، وهكذا.
وفي طريقة تانية تعد أسهل طريقة لحفظ جدول الضرب 4، وهي تقسيم المسألة على 2 وجمعهم، يعني 4 × 4 هي ( 2 × 2) + ( 2 × 2) = 4 + 4 = 8. مثال تاني 8 × 4 هتتقسم لـ ( 4 × 2) + ( 4 × 2) = 8 + 8 = 16.
جدول الضرب 5
جدول الضرب 5 من أسهل الجداول في حفظها وفهمها، لإن بيكون رقم الآحاد في الناتج 5 أو 10، فممكن يحفظه عن طريق التكرار عادي، ويكون أسهل من طريقة التجزئة. وممكن يستخدم طريقة الأصابع فإنه يمثل الإصبع الواحد بـ 5 عُقل، ويبدأ يعد.
دا بالإضافة لطريقة سهلة لحفظ جدول الضرب 5، وهي كتابته كله قدام بطريقة سهلة ويبدأ يكتب الأرقام دي بالتسلسل في خانة العشرات، والأرقام بتكون بالتسلسل دا 0 1 1 2 2 3 3 4 4 5. وبعدين ضيف لخانة الآحاد رقمين 5 و 0 بالتسلسل دا 5 0 5 0 5 0 5 0 5 0. 05 = 1 × 5 10 = 2 × 5 15 = 3 × 5 20 = 4 × 5 25 = 5 × 5 30 = 6 × 5 35 = 7 × 5 40 = 8 × 5 45 = 9 × 5 50 = 10 × 5
وبالنسبة لجدول الـ 10 فهو سهل جدًا بالنسبة للأطفال، وهيكون بوضع رقم 0 في خانة الآحاد، ووضع الرقم المضروب بعدها، يعني 10 × 5 = نفس الرقم وقدامه 0 يعني 50 وهكذا. أسهل طريقة لحفظ جدول الضرب 6&7&8&9 بتبدأ المشكلة تظهر واللغبطة بداية من جدول الـ 6 وبيكون صعب شوية على الطفل يحفظ، ويفتكر بالظبط الأرقام. وعشان كدا في أكتر من حيلة تقدري تعلميها لطفلك ويحل بيها أي مسألة في الجداول من 6 لـ 9 وهي بإكمال الأرقام لـ 10، وبعدين تضرب النواتج ويتكتب في الآحاد وبعدين يطرح أي رقم فيهم من التانج دا يطلع رقم العشرات. .
على سبيل المثال:
1 × 4 (6 × 9) هنشوف كل رقم فيهم محتاج كم ويكمل لـ 10 ونحطه فوق التاني يعني الـ 6 فاضلها 4 تتحط فوق الـ 9، والـ 9 فاضلها 1 وتكمل 10 يتحط فوق الـ 6، ونضرب الرقمين دول في بعض يعني 4 × 1 = 4 هيكون دا رقم الآحاد، وبعدين نطرح الرقم دا من الـ 6 أو 9 والرقم اللي يطلع يتحط في خانة العشرات وهيكون 5، وبالتالي كدا الإجابة 54. وتقدري تدربيه على كل المسائل في الجداول من 6 لـ 9 بنفس الأسلوب، ممكن تبقى دي أسهل طريقة لحفظ جداول الضرب من 6 – 9 للطفل.
في كمان طريقتين خاصين بحفظ الجدول 9، وهما: 1- استخدام الطرح يعني مثلًا 8 × 9 هنحلها بطريقة سهلة، وهي هنبص للرقم المضروب في 9، ونشوف محتاج كم ويبقي 10، ونحط الرقم دا في خانة الآحاد، وبعدين نطرح من الرقم دا واحد، والناتج هيكون في خانة العشرات.
ففي حالة المثال دا 72 = 8 × 9، وهكذا.
2- استخدام الأصابع تعد الأصابع أسهل طريقة لحفظ جدول الضرب 9، وبتعتمد على وضع اليدين وعدهم من 1 لـ 10 من الشمال، وبعدين بيثني الطفل الاصبع اللي بيمثل الرقم المضروب، وبعدين هتكون النتيجة الرقم اللي يمين الإصبع المثني في خانة الآحاد، واللي شماله في خانة العشرات.
زي مثلًا 3 × 9 هنتني الإصبع التالت هنلاقي على اليمين عدد 7 هيكون الآحاد، ورقم 2 على الشمال في خانة العشرات فالنتيجة هتكون 27.
10 نصائح عن اسهل طريقة لحفظ جدول الضرب للأطفال
نصائح عن اسهل طريقة لحفظ جدول الضرب للأطفال تقدري تستخدميها من الطرق التفاعلية كأسهل طريقة لحفظ جدول الضرب، ومن أهمها:
1- استخدمي الأناشيد والأنشطة الممتعة الأطفال بيتعلموا أسرع من خلال الأناشيد -بدون موسيقى-، والأنشطة الممتعة ودا أثبتته دراسة اتنشرت على موقع ResearchGate اللي بدورها أكدت على تأثير الأناشيد في حفظ جدول الضرب للأطفال وتحسن أدائهم الأكاديمي.
فممكن تدوري على أغاني تعليم جدول الضرب على اليوتيوب هتلاقي أغاني كتير مصممة للأطفال فيها إيقاع بيخليهم يتعلموا الجداول بسرعة.
مثال: غني مع طفلك جدول الـ 2 باستخدام أغنية، وكل مرة يقوله بطريقة إيقاعية: “2×1=2، 2×2=4، 2×3=6″، وهكذا.
2- استفيدي من الوسائل البصرية الأطفال بيتعلموا بسرعة من الصور والألوان؛ فممكن تطبعي جدول الضرب على شكل بوستر ملون وتعلقيه في غرفة الطفل كل ما يشوفه، عقله هيفتكر الجدول بسهولة. مثال: اعملي بوستر لجدول الضرب، وخليه مليان رسومات بسيطة زي التفاح أو الكرات، لربط الأرقام مع الأشياء اليومية.
3- قسمي الجداول بدل ما طفلك يتعلم كل الجداول مرة واحدة، قسمي الجداول على أيام، وخليه يركز على جدول واحد كل يوم أو أسبوع، واعملي مراجعة سريعة في نهاية كل فترة. مثال: ابدئي بجدول الـ 2، وبعد ما يحفظه كويس، انتقلي لجدول الـ 3، وفي نهاية الأسبوع، اعملي لعبة أو اختبار سريع للجداول اللي اتعلمها.
4- استخدمي الألعاب التعليمية في ألعاب تعليمية كتير على الموبايل والكمبيوتر مصممة لتعليم الأطفال جدول الضرب بطريقة ممتعة وتفاعلية. مثال: حمّلي تطبيق تعليمي زي “Maths Ninja” وخلي طفلك يلعب ويتعلم في نفس الوقت.
5- استخدمي المكافآت الأطفال بيحبوا يحسوا بالإنجاز؛ فحاولي تقدمي مكافآت بسيطة زي استيكرات أو حلوى لما يحفظ جدول بشكل صحيح. مثال: اعملي مخطط مكافآت؛ كل جدول يحفظه طفلك ياخد استيكر، ولما يكمل مثلاً 5 جداول، اعملي له مفاجأة صغيرة زي زيارة مكان بيحبه.
6- استخدمي الأسئلة العشوائية اسألي طفلك أسئلة عشوائية من جداول مختلفة خلال اليوم، مثلًا، وأنتي بتحضري العشا اسأليه: “3×4 بكام؟” خليه يحس إن الجدول جزء من حياته اليومية.
7- استخدمي الشبكة (طريقة توزيع الأرقام) دي طريقة مرئية تساعد الطفل يشوف العلاقات بين الأرقام بشكل واضح، بنرسم شبكة بسيطة، ونوزع فيها الأرقام عشان نحل المسألة خطوة بخطوة. مثال: لو عندنا 12 × 3، نقدر نقسم الـ 12 إلى (10+2)، وبعد كدا نضرب 30 = 10×3، و 6 = 2×3، وبعدين نجمع الناتج النهائي 36 =30+6.
مثال: اطلبي من الطفل يرسم شبكة على ورقة، ويقسم المسائل بالطريقة دي.
8- اعتمدي على الأنماط تعد الأنماط أسهل طريقة لحفظ جدول الضرب بالنسبة لبعض الأطفال، لإنها بتركز على تكرار نمط معين في الضرب، زي جدول الـ 2 اللي بيمشي بخطوات منتظمة (2، 4، 6، 8…). الطريقة دي بتساعد الطفل يلاحظ نمط الأرقام ويستنتج الحل. مثال: لو الطفل عايز يحل 5×6، خليه يلاحظ إن كل مرة بيضيف 5 للأرقام السابقة (5، 10، 15، 20…) وهكذا التطبيق: اعملي رسم بياني أو خط أرقام عشان توضحي الأنماط بشكل بصري.
9- استخدمي المكعبات فيه ألعاب زي المكعبات أو الليجو اللي بتساعد الطفل يحل مسائل الضرب عن طريق ترتيب الأرقام بشكل ملموس؛ يعني كل رقم بيتحول إلى مجموعة من المكعبات اللي بيعدها الطفل.
مثال: لو الطفل بيحل 3×5، خليه يكوّن 3 مجموعات كل مجموعة فيها 5 مكعبات، وبعدين يعدّهم مع بعض. التطبيق: اطلبي منه يحل مسائل كتير باستخدام المكعبات، ودا هيخليه يتفاعل أكتر مع الأرقام.
10- اعتمدي رسم المصفوفات ممكن تخلي الطفل يرسم أشكال معينة زي المربعات أو الدوائر ويملاها بالأرقام؛ دي طريقة بصرية ممتازة للأطفال اللي بيتعلموا أكتر من خلال الرسم. مثال: لو عايز يحل 4×3، يرسم 4 صفوف وكل صف فيه 3 دوائر، وبعدين يعدّهم. اتعرفي كمان على: أسباب عدم التركيز في المذاكرة عند الأطفال.
